Home  > News  >  News Details
കേരളത്തിലെ വിലയേറിയ ഫാന്‍സി നമ്പര്‍
സ്വന്തം ലേഖകന്‍
Posted on: Tuesday, Mar 21, 2017   10:00 AM


ഫാന്‍സി നമ്പര്‍ ലേലത്തുകയില്‍ കേരളത്തില്‍ പുതിയ റെക്കോര്‍ഡ്. കെഎല്‍ 01- സിബി -01 എന്ന വാഹന രജിസ്ട്രേഷന്‍ നമ്പര്‍ 18 ലക്ഷം രൂപയ്ക്കാണ് തിരുവന്തപുരം സ്വദേശിയും ദേവി ഫാര്‍മ ഉടമയുമായ കെ.എസ് . ബാലഗോപാല്‍ സ്വന്തമാക്കിയത്. ഒന്നരകോടി രൂപയ്ക്കടുത്ത് വിലയുള്ള ടൊയോട്ട ലാന്‍ഡ് ക്രൂസറിനാണ് ഈ നമ്പര്‍ ഉപയോഗിക്കുക.ഇതിനുമുമ്പുള്ള റെക്കോര്‍ഡ് 16.15 ലക്ഷം രൂപയാണ്. തൃശൂരില്‍ കെഎല്‍ -08- ബിഎല്‍ -01 എന്ന ഫാന്‍സി നമ്പരാണ് ഈ തുകയ്ക്ക് ലേലത്തില്‍ പോയത്. ഖത്തര്‍ ആസ്ഥാനമായി ബിസിനസ് നടത്തുന്ന റലീഫ് റേഞ്ച് റോവര്‍ ഇവോക്കിനു വേണ്ടിയാണ് ആ നമ്പര്‍ സ്വന്തമാക്കിയത്.


കെഎല്‍ -01 - സിബി -01 അടക്കം 28 ഫാന്‍സി നമ്പരുകളാണ് മാര്‍ച്ച് 20 ന് തിരുവന്തപുരം ആര്‍ടി ഓഫീസില്‍ ലേലത്തിനു വച്ചത്. ലേലത്തിലൂടെ 24.94 ലക്ഷം രൂപ തിരുവന്തപുരം ആര്‍ടി ഓഫീസിനു ലഭിച്ചു. സി 9999 രണ്ട് ലക്ഷം രൂപയ്ക്കും സിബി 9 1.15 ലക്ഷം രൂപയ്ക്കുമാണ് ലേലത്തില്‍ പോയത്.


തിരുവന്തപുരം ആര്‍ടി ഓഫീസില്‍ നടന്ന ലേലത്തില്‍ കെഎല്‍ 01 സിബി -01 നമ്പരിനു വേണ്ടി നാല് പേരായിരുന്നു എത്തിയത്. അമ്പതിനായിരം രൂപയില്‍ തുടങ്ങിയ ലേലം 13 ലക്ഷത്തില്‍ എത്തിയതോടെ മൂന്നു പേര്‍ പിന്മാറി. ഈ തുകയ്ക്ക് ബാലഗോപാലിനു നമ്പര്‍ സ്വന്തമാക്കാമായിരുന്നെങ്കിലും അഞ്ച് ലക്ഷം കൂടി കൂട്ടിവച്ച് റെക്കോര്‍ഡ് തുക തികയ്ക്കുകയായിരുന്നു.


രണ്ടുമാസം മുമ്പ് കെഎല്‍ -01- സിഎ -01 എന്ന നമ്പര്‍ വെറും 2,000 രൂപയ്ക്ക് ലേലം വിളിച്ചാണ് പ്രവാസി വ്യവസായിയായ യൂസഫ് അലി സ്വന്തമാക്കിയത്. അന്ന് ഒത്തുകളി നടന്നുവെന്ന് ആരോപിച്ചു ലേലത്തില്‍ പങ്കെടുത്ത ബാലഗോപാലിന്റെ അപേക്ഷ ഇത്തവണ ആര്‍ടിഒ നിരസിച്ചു. തുടര്‍ന്ന് ഹൈക്കോടതി ഉത്തരവിന്റെ അടിസ്ഥാനത്തിലാണ് ലേലത്തിന് അനുമതി നേടിയത് . ലേലത്തില്‍ ഒത്തുകളി നടന്നുവെന്ന ആക്ഷേപമുണ്ടായിരുന്നതിനാല്‍ ഡപ്യൂട്ട് ട്രാന്‍സ്പോര്‍ട്ട് കമ്മീഷണര്‍ സി.കെ. ആശോകന്റെ കര്‍ശന നിരീക്ഷണത്തിലായിരുന്നു ഇത്തവണ ലേലം. ലേലനടപടികള്‍ വീഡിയോയില്‍ പകര്‍ത്തുകയും ചെയ്തു.


ഫാന്‍സി നമ്പര്‍ നേടാനുള്ള നടപടിക്രമങ്ങള്‍



Related Stories





TOP

Car Bike








Designed and developed by EGGS